دليلك لإختيار الإنفلونسر

كل واحد مننا جواه influencer صغير، بيقدر يستخدم الـ Word of Mouth؛ إنت مثلًا، بتستخدمه عشان تقنع صاحبك يجرب المطعم التحفة اللي روحته مع ياسمين صاحبتك.

ومن زمان كمان، لما كنت بتختار السنتر أو المدرس اللي هتكمل معاه ثانوية عامة ، كل دى عوامل بتساعد في انتشار شئ، أو شخص، أو منتج.

سواء كنت مع أو ضد ظاهره الـ influencer، لكن اليوم مع انتشارهم من خلال Instagram؛ بقي الـ  Client المذاكر بيطلب إنك تتواصل معاه عشان يقدر يعمل sales، أو حتى لو هدفه Branding بس.

طيب هتختاره بناءًا علي ايه؟

هنقولك علشان الكلاينت المذاكر لازم نخش عليه بـ#بريف_محصلش 

تعالي ناخد فكرة التصنيف بيتقسم لإيه: 

1. ميجا Mega: دول أشباح الميديا عندهم مليون متابع أو أكثر. 
2. الماكرو Macro:  أشباح بس علي صغير شوية من 100.000 لـ مليون متابع.
3. المايكرو Micro: في طريقهم لأشباح الماكرو من 10.000 لـ 100.000 متابع .
4. النانو Nano: من 10.000 متابع أو أقل.

=ليه أى Brand حاليًا بقى يهتم أكتر بنشر الخدمة أو المنتج من خلال الـ Influencers؟

وإيه هي نقط الضعف والقوة لكل شريحة منهم؟ 

-هنقولك علشان لو مش عاجبك حسن تعمل ايه؟ تروح للأحسن منه والأنسب ليك. 

1- الـ Mega influencers سلاح ذو حدين

يا راجل! إزاي؟

نسأل في الأول: مين ممكن يكون عنده مليون وأكتر من المتابعين؟

-الفنانين بوجه عام، والمشاهير اللي ظهروا خلال الفترة اللي فاتت.

لو هدفك تعمل Booming و Branding؛ هيكون دول أفضل شريحة تتعامل معاها لأنهم مش بس هيكون ليهم تأثير على متابعين إنستجرام، ولكن لإن العيون دايمًا عليهم؛ فـ هتظهر في كل الـ platforms اللي تتخيلها.

لكن على الصعيد الآخر فيه تأثير سلبى:

نتيجة اختيارك للـ mega إن المتابعين مش هيكون عنهم الثقة الكاملة (لما الموضوع يتعلق بـ brand)،  ليه؟ علشان دي فلوس ناس سعادتك 😀 

عكس اللي عندهم أقل من حيث عدد المتابعين، ولكنهم متفاعلين أكثر.

=باختصار، الفايدة اللي هتعود على الـ brand إيه؟

1. هتأثر في عدد كبير من المتابعين.
2. عندهم خبره مش هتتعب نفسك يعني وتضيع وقت كتير.
3. هتكون Exclusive ده هيضيف ثقة للـ brand.

بس خد بالك، إنهم مش دايمًا فاضيين -طبيعى يعنى-.

وبما إنهم أشباح، فسعر الشبح أكيد مُكلف يعني سكه 20.000 دولار وأنت طالع!

والعين دايمًا عليهم زي ما قولنا يعني لو فيه غلطة؛ هتأثر على البراند. 

“إدي العيش لخبازه”، يعني لو إنت براند ليها علاقه بـ sporting wears، يكون مناسب ليك أي Influencer 

مهتم بالاكل الصحي، مدرب معتمد في جيم، يقدم محتوي خاص بالرياضة بس، وهكذا…. 

هنا أكبر Top 5 في مصر من شريحة الـ mega 

2- الـ Macro دي الشريحة اللي بدأت من سنين علشان توصل لـ ما بين 100.000 ومليون متابع 

ليه بيكون هما الاختيار المُفضل والأنسب؟ هل لإنه حل وسطي؟

لإن عندهم عدد متابعين كبير ومُتفاعل وعلي درايه كامله بيه، عارفين بيحبوا إيه هى الأولويات؛ وبالتالي هدفهم إنهم يحافظوا علي المتابعين اللي تعبوا سنين عشان يقدروا يكون بينهم صلة قوية، بالتالي مفيش فرصة المجازفة بالثقة دي، عكس الـ Mega تمامًا زي ما وضحنا فوق.

والأهم من إنك تعمل Campaign تستخدم فيها فئة الـ micro هتلاقيهم عارفين كويس جدًا الـ Audience بتاعهم.

يعني علي سبيل المثال: تكون عندك Brand وليكن Sportswear هتلاقي كتير Fashion blogger في الـ Micro،

لكن الاختيار الأحسن على سبيل الذِكر هيكون fitness model influencers لأنه عارف الـ Audience كويس!

يعني نفهم من كده ايه؟

إن صلة الـ Influencers مش بس علشان قوية مفهومه للـ followers، لكن هي كمان  تقدر توصل الـ brand من خلال paid campaign لعدد مستهدف أكبر،وخبرتهم هتبسَّط التعامل بين الطرفين.

محتاج تشوف 3 حاجات أساسية قبل أختيار الـ influencer 

1- مدى مصداقيته Credibility وصلته بالـ Industry بتاعتك 

2- التفاعل Engagement 

3- cost طبعًا.

ده Website لطيف تقدر بيه تشوف كل المحافظات في مصر بالـ influencers الموجودين متقسمين categories :https://influence.co/

3- الـ Micro influencers: صغير آه بس نينجا

الأكثر شيوعًا من بين الـ Influencers، بيكون من 10,000 لـ 100,000 متابع.

يميزهم عن الـ Mega والـ Macro إنهم أكثر تخصصًا؛ وبالتالي تفاعل أكبر لأن المصداقيه بينهم وبين المتابعين هي الصلة.

ليه بقى وإمتى تتعامل معاهم؟

1- التخصص: بيوصلك لـ qualified lead.

2- التكلفه: هتكون أقل. 

3- قدرته علي تحويل الـ Audience اللي في مرحلة الـ Awarness ( أول مرحلة في الـ Buyer Journey ) 

لـ qualified lead وطبعا ده بـ Content قوي.

ناخد بالنا من ايه؟ 

1- Time: لإن معظم الـ brands بتفضل تتعامل مع الشريحة دي، ومع أكثر من Influencer لـ نفس الحملة، فهمهم جدًا ناخد بالنا من الوقت

2-Creativity: ممكن تسيب ليهم جزء الـ touch  الأخير أو المحتوى كله، من غير تقييد لإنهم فاهمين متابعينهم أكثر.

4- الـ Nano الأقل من 10.000 متابع.

ليهم تأثير أكبر على المستوى المحلي؛ وكل ما زاد التفاعل كل ما حب يضيف جودة أحسن ويشارك بتفاصيل أكثر.

والمميز في شريحة الـ Nano:هو رغم إن وصولهم خارج الإطار الحالي أقل، إلا إنه المصداقية والثقة بتكون أكبر؛ وبالتالي هيأثر بالإيجاب على الحملات.

إيه يخلينا نركز مع الشريحة دي؟

1- Engagement: من المحتمل إن يكون أعلى مشاركة من الشرائح السابق ذكرها.

2- Cost: التكلفة هتكون أقل، فـ هيكون فرصه للـ startups مع ميزانية تسويقية صغيرة.

3- المصداقية والثقة هتحول الـ Followers لـ عملاء واثقين بالخدمة اللي هتعرضها. 

ونعمل حساب ايه؟

1- Experience:  لإن معظمهم  معندهمش الخبرة الكافية لطرق الشغل مع الـ Brands هيكون اللى فيه نقاشات طويلة، بالتالي يكون الاتفاق بوقت كافي حتي نضمن نتيجة مُرضية.

2- Quality: ولإن الخبرة بتأثر على الجودة؛ هيتم التجربة أكثر من مرة بعد النقاشات قبل الحملة بوقت كافى. 

عرفنا الأنواع تعالي بقي نلخص نختارهم بناء علي ايه.؟

1- Mega: 

لو هدفك تظهر أكثر، وغير مقيد بميزانية ومفيش Segmentation محددة. 

2- Macro:

عايز Branding؟ ويكون فيه تفاعل علي الـ محتوي ولكن ليك Audience معين، هيبقي الـ Macro  مناسب ليك ولكن دايمًا تتابع الـ ROI.

3- Micro: 

لو هدفك Qualified Lead وزيادة الـ Conversion هيكون أفضل ليك لانك هتقدر تحدد Specific audience من خلال الـ Micro influencer.

4- Nano: 

إذا عندك ميزانية صغيرة هيكون أنسب ليك الـ Nano في الوقت الحالي.

وأخيرًا: 

لازم نراعي أنواع الـ Influencers سواء اختلفنا أو اتفقنا معاهم.

علشان نوصل لأفضل نتيجة، لازم نعرف إيه الهدف من الحملة، ونعمل List ونختار الأفضل بينهم،  بعد ما نعرف إيه الحملات والـ Brands اللي اتعاملوا معاهم ومدي تأثريهم.