loader image

رحلتك من الخطة إلى كتابة محتوى

خريطة الكنز!

الكنز مش في الرحلة.. لأ.

الكنز في فهمك أسس خريطة المحتوى

كبداية، هنبدأ بـ 6 خطوات أساسية لأي حملة إعلانية.

❶ الـ Creative Brief

فاكر مشهد أحمد زكي وهو بيقول “كلمة أنا بحبك عقد “، وكمان الـ Brief عقد ما بين الكوبي رايتر والعميل، لأنك من خلاله بتعرف معلومات أساسية عن المنتجات أو الأهداف اللي العميل بتاعك متوقع منها أنك تحققها ليه.

❷ الـ Research

تاني أهم حاجة بعد الـ Brief، هو البحث أنك تشوف موقع الشركة أو العميل فين من المنافسة، وكمان تبحث أكتر عن تاريخ إعلانات الشركة وسمعتها سواء ايجابية أو سلبية لأنك بكل بساطة ممكن تعمل حملة كانت معمولة قبل كدا، فهيكون شكلك وحش أوي قدام العميل أو تعمل حملة تسبب Backfire عليك.

❸ الـ Brainstorming

ممكن تكون شايف نفسك Number 1 في الأبداع بس صدقني مع ناس ليها دماغ مختلفة عنك، شغلك هيلمع أكتر لأن كل واحد له رؤية معينة وتجارب مختلفة، ممكن تخليك تشوف حاجة أنت مش شايفها ولما نتكلم عن الجزئية دي بعدين هنقولك مين هما الـ Stakeholders في كل شركة أو حتى لو بتشتغل من البيت.

❹ الـ Concept

الكونسبت بييجي بعد ما تكون استقريت على رؤية معينة للكامبين والمنتج وحددت الـ Tone of voice وهتكلم الناس إزاي وكمان لو طلعت Slogan معين يرتبط بحملة مدتها شهر أو موسم زي الصيف والشتاء أو كذا كونسبت مكمل معاك طول السنة.

❺ الـ Campaign

الحملة هي أداة ووسيلة من أدوات التسويق والتواصل مع العملاء ودي بتكون من خلال التركيز على Key Messages معينة محتاج أنها توصل تربط الكونسبت مع المنتج وكمان بتحدد أفضل الطرق والأماكن اللي جمهورك المستهدف هيكون موجود فيها وكمان نوع المحتوى ومواعيد نزوله.

❻ الـ Results

وكما يقال عليها ROI، حضرتك بعد ما بيجيلك الـ Brief بتحط بعض الأهداف المتعلقة بالحملة وتشوف هتقدر توصل بقد ايه منها، يا ترى تكمل على نفس الأفكار والرسايل لأنها جابت مع الناس ولا تغير الفكرة من أساسها وتنقذ الموقف، زائد أنك لو كمان بتشتغل Social Media Specialist هيكون مطلوب منك تقرير أسبوعي أو شهري وتقارن فيه ما بين قبل وبعد واسباب ارتفاع أو انخفاض معدلات التفاعل.