إبداعمحتوي

تسمع إيه: دليل الـ Extrovert من صالة البيت

الناس اللي بيحبوا اللمة، والناس صعب قوي يتأقلموا على أجواء الحظر الجميلة اللي عايشينها، بس في مقولة بتقول مادام هناك إرادة، هناك دائمًا حل. 

طيب، بكام يا إرادة وانا اشتريكي؟ 

من غير فلوس كل اللي عليك اننا هنوريك الـ Timeline  بتاعك والمود بتاعك من أغانيك على مدار اليوم. 

الفقرة الصباحية الجميلة 

كلك نشاط وحيوية للشغل، بس قاعد قدام الشاشة وحيد شريد، مش لاقي حد نفس دماغك يعملك دوشة وتسكته، زي صاحبك الجرافيك ديزاينر اللي كان مالي عليك حياتك وأوقاتك. 

الفترة الصباحية الجميلة معروفة بالقهوة والمطر وصوت فيروز .. إحنا جبنالك صوت مطر وصوت ناس قاعدين في الكافيه وكمان فيروز. 

بص يا باشا – بص يا بيه شوف واتفرج هنعمل إيه. 

أول أبليكشن معانا اسمه: Coffitivity، وده بيشغل جمبك أصوات ناس بتتكلم، كإنك قاعد في ستاربكس أو دانكن دونتس تحتسي القهوة وبعض قطع الدونتس اللذيذة مع صديقك الفرنسي، وده اللي بعض الناس بتقول عليه White Noise ، وهو مجموع عدة أصوات مع بعض بتحس أنها صوت واحد بتوصلك احساس معين. 

https://coffitivity.com/

تاني واحد: هو بيجمع بين صوت المطر وصوت القهوة في موقع واحد، زهقت من المطرة وغرقت الدنيا، افتح يا سيدي صوت الناس في الكافيه. 

https://rainycafe.com/

وثالثاُ: صوت فيروز لصباح رايق من غير ما يسبب حرايق من خلال الـبلاي ليست اللطيفة دي أنغامي 

وطبعاً منقدرش ننسى الوجه الحسن والصوت الملائكي الجميل: فايا يونان 

 فترة الظهر والـ Creativity 

عندك بعد نص ساعة أون لاين ميتنج ومحتاج تعمل Brainstorming عنيف وشديد الإبداع؛ فطبعاً بتتقمص دور عيسوي وإنك فنان وبتسمع حاجات عميقة، ولكن تغلب عليها الطابع الإنساني اللي اختفى من قلب البشر . 

اول ساوند تراك نراهن انك مش هتعرفه، لأنه هو معملش أغاني كتير بس هو صوته هياخدك في عالم تاني. 

اسمه هاني مصطفى وكان ضمن الفريق اللي طلع مع صاحبة السعادة وكان بيغني أغاني عالمية. 

الفنان التاني اللي هتحب تسمعه هو سعاد ماسي بكل أغانيها الهادية والرايقة واللي هتاخدك في عالم تاني وهتطلع منك أفكار جديدة أنك نفسك مش هتصدقها. 

ساعة العصرية: هنا مش مكاني 

وبعد ما تم العصف الذهني الذي لم ينتج عنه أي كريتفاتي، حسيت أنك عايز تسمع حاجة تعبر عن ساعات من الرغي، فجأة بستمع صوت هاني الدقاق من بعيد بينادي عليك وبيقولك “هنا مش مكانك” وفي لحظة حماس بتسمع 

ومادام جت سيرة هاني الدقاق، لازم يجي معاه سيرة أمير عيد وتختم ساعة العصرية اللطيفة بأغنية “نقطة بيضا”. 

ساعة المغربية: من في وقت الضيق يكون لي صديق 

بعد أخدت جرعة حماس من هاني الدقاق وأمير عيد؛ ارجع كده يا وحش وافتكر إنك ملكش غير شغلك، اللي بتصرف منه على الاونلاين شوبينج، وشكلك الاجتماعي قدام الناس، وإنك حد ناضج وعارف بتعمل إيه كويس، وإن ده مش أنسب وقت تقدم فيه الاستقالة وإن الدنيا فيلم الناظر، وإنت فيها عاطف. 

ومادام كده كده باظط خالص؛ بتقوم بكل هدوء ومن غير أي مقاومة تعمل Sign Out؛ وتقرر تسمع حكم حياتية واقعية من مهرجان ابننا حمو بيكا. 

العشاء: راحوا فين حبايب الدار 

مهما حسيت بالوحدة، إوعى تفكر ترجع تكلم الإكس، إوعى! 

مش بنكلم الإكس بتاعنا في الحظر مهما حصل، حتى لو دي نهاية العالم، إوعى تفكر تكلم الاكس، بس في طرق كتير تقدر تنهي بيها حياتك في سلام، زي إنك تسمع ملك الأغنية الرومانسية الحزينة: تامر عاشور. 

واخيراً، وقت الـ Overthinking

كيف بدأ الحظر؟ 

طيب هو مش المفروض إن بات مان ده ضوء سطع وسط المدينة؟ إزاي يكون مؤذي طيب؟ 

طيب أنا أذيت مين في حياتي؟ (إوعى تكلم الأكس) 

طيب هي دي نهاية العالم؟ طيب أنا شايف تنين بيطير فوق سطح البيت… 

عادي قوم اغسل ايديك لمدة 20 ثانية، ومتستغربش تشوف ديناصور

فجاة هتحس أنك طبيعي وعادي وهتفكر أنك حمامة السلام وأن وجودك هنا لسبب وأنك في الأصل يا باشا Dreamer مش تلميذ. 

وتسمع 

وتلحقها على طول بأغنية مايكل جاكسون Earth Song

كده إنت معاك الدليل الكامل لموسيقى الـ Extrovert من صالة البيت. 

كان معكم نادر سيف الدين من صالة البيت يا فخري. 


الوسوم

Randa Moataz

راندا معتز مؤسسة موقع ذا كوبي رايتر هدفي أني امزج الكتابة بأنواع الفنون المختلفة بطريقة سهلة وبسيطة وقريبة من قلبك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق