بعد سنين من بناء الشخصيات وتصميم المعارك والحروب وإصدار 21 فيلم منفرد، جه الوقت اللي كل جماهير مارفل تتحد في فيلم واحد عشان يستمتعوا بالمشاهد والمعارك العظيمة واللي اتعرض يوم 26ابريل 2019 تحت اسم Avengers: Endgame واللي كان المفروض يكون هو التاج اللي هيتوّج بيه ال21 فيلم اللي فاتوا.
بعد اصدار Infinity war، الفيلم أخد الناس في عالم تاني ومشاعر مضطربة وشعور بالضيق والسعادة في نفس الوقت، والفيلم دا يعتبر زيه بس على scale أكبر.
مع نهاية Infinity warالفيلم ساب للناس صدمة كبيرة وتوقعات ملهاش نهاية وكان في ملايين من الناس قاعدين يخمنوا إيه اللي هيحصل ويرسموا سيناريوهات للأبطال وإيه مصيرهم في المستقبل.
إزاي مارفل عرفت تسوّق Endgame بطريقة عبقرية وقدرت تحقق ليهم 7.2 مليار دولار؟
التريلرز:
نزل حوالي 20 دقيقة مقسمة على كام تريلر ويعتبرهما أول 20 دقيقة من الفيلم ودا عشان يحموا المشاهدين من ال spoilers ويزود عندهم دافع الفضول ويشتروا تذاكر عشان يعرفوا ايه اللي هيحصل.
كانت كل التريلرز بتبين تطور الشخصيات الموجودة وبتركز عليها أكتر من المؤثرات البصرية والحركية لأن دا هيزود الفضول أكتر عند الجماهير ويجعلهم في حالة ترقب.
وكمان في تريلر كانوا مهتمين بس بالجانب الحركي ومشاهد المعارك عشان يزيدوا الحماس في الفئة الجماهيرية اللي بتحب النوع دا وتروح تشتري تذاكر.
Nostalgic Feels
لعبوا على عاطفة الحنين للماضي بإنهم جابوا لقطات من مشاهد قديمة وتحديدًا في التريلر التاني كانوا جايبين مشاهد من Iron Man الجزء الأول Captain America ودا يخلي الناس يعرفوا الرحلة هتبدأ منين
وكان الغرض من المشاهد السابقة دي انهم يعرفوا المُشاهد إن ازاي الشخصيات إتغيرت وبقت أنضج من قبل كدة وكان ضروري يجيبلك دا في التريلر عشان تقارن.
بعد التريلرز اللي إتعرضت كانت الضجة كبيرة وقتها واللي خلاها تزيد أكتر كمان، تفاعل المؤلفين والممثلين الفيلم على السوشيال ميديا وانهم بدأوا ينشروا صور ليهم من خلف الكواليس في التصوير والتفاعل مع الجماهير عليها، وقد إيه هما فخورين باللي وصلوا ليه وراضيين عنه ودا كان ليه دور في تحفيز الجماهير على الاهتمام بالفيلم وشراء التذاكر أكتر.
وكانوا على وسائل التواصل الاجتماعي زي إنستجرام اللي فيها حوالي 32.5 مليون متابع، كانوا بينزلوا جزء من التريلر والباقي على قناة اليوتيوب بتاعتهم، وفعلوا هاشتاج #AvengersEndgame على كل وسائل التواصل.
وبالرغم من كل دا كانوا بيصمموا بوسترات كتير للفيلم يبين كل الأبطال الموجودة بشكل جميل وجذاب للجمهور.
ميزانية تسويق Avengers Endgame:
مارفل عمرها ما كانت بتعمل حساب للفلوس أو بتحط Budget معينة للتسويق لأي فيلم من أفلامها، وعلى سبيل المثال فيلم guardians of the galaxy 2 تكلفة البادجيت اللي كانت محطوطة لتسويقه وصلت ل 80 مليون دولار بينما spider-man homecoming كانت 140 مليون ميزانية تسويق!!!
أفلام مارفل كلفتها للتسويق بس 200 مليون دولار، اللي هو تقريبا نص ميزانية تسويق أفلام هوليود كلها.
مارفل كانت عاملة شراكة مع أضخم شركات في العالم واللي منها ماكدونالدز وكوكاكولا وجوجل، ف طبيعي بالشركاء دول والميزانية دي هتلاقي عائد ضخم.
Avengers Endgame في البوكس أوفيس:
بعد شهور من الترقب والانتظار أخيرًا مارفل تقرر تنزل الفيلم يوم 26 أبريل السنة اللي فاتت وبعد أول أسبوع كانت محققة 1.84 مليار دولار وكان وقتها الفيلم التامن في الأرباح في التاريخ. تخيل فيلم فيه راكون بيتكلم يحقق المبلغ دا في أول أسبوع ليه؟
الطريقة اللي مارفل سوقت بيها الفيلم الأخير كانت طريقة عبقرية والمفروض تتدّرس من وقت ما أصدروا التريلرز والمشاهد اللي تخليك عايز تتفرج على الفيلم وتثير الفضول جواك ومن تفاعل الممثلين على السوشيال ميديا لحد يوم نزول الفيلم في السنيما.
بعد ما كان فيلم Avatar، هو المسيطر على البوكس أوفيس لأكتر من عشر سنين وأكتر فيلم حقق إيرادات، وصل فيلم Avengers Endgame سنة 2019 وقد يحقق إيرادات أكتر في وقت ممكن تقول سنة واحدة بس، ودا إن دل على حاجة يبقى يدل على عبقرية التسويق للفيلم.